காதலியைக் காண....

உன்னைக் காணாத...............!

உனைக் காணாதக் கண்கள்--பீளைச்

சுனை  தானோ!புண்கள்

நீ நிறையாத இடமோ--பாலை

வனம் தானோ!மனமோ!

உனை எண்ணாத நெஞ்சும்--புகை

நஞ்சுந் தானோ!தஞ்சம்.

நீயில்லாதப் பொழுதும்--கொல்லும்

தொல்லை தானோ!முழுதும்.

உனைத் தீண்டாத கரங்கள்--பட்ட

மரம் தானோ!நிசங்கள்.

நீ அணையாத தூரம்--எட்டாக்

கனி தானோ!சோகம்.

உனை வேண்டாத சுரங்கள்--அழும்

சுதி தானோ!வரங்கள்.

நீ பாடாத கவிதை--சுடும்

வரி தானோ!உயிரை.

உனைக் கேளாத செவியோ--ஒலைச்

சுருள் தானோ!சருகோ!

நீ சொல்லாத சேதி--மரண

மடல் தானோ!தேதி.

உனை வாசியா நாசிகள்--தூசித்

துளை தானோ!ஓட்டைகள்.

நீ வீசாத வாசங்கள்--உயிர்க்கு

பகை தானோ!தோஷங்கள்.

உனை முத்தாத அதரங்கள்--காய்ந்த

மலர் தானோ!சருமங்கள்.

நீ ஊட்டாத மதுரங்கள்--சாய்ந்து

நான் மாய்ந்திடத்தான் விசனங்கள்!

உனைத் தழுவாத ஏக்கங்கள்--தீ

வினை தானோ!தாக்கங்கள்.

நீ தணிக்காத தாகங்கள்--பாலை

ஏங்கிடத்தான்  மேகங்கள்.  !

உனைச் சுவையாத ஐம்புலன்கள்--வாட்டும்

பகை தானோ!ஊடல்கள்.

நீ திகட்டாத தீங்கனியோ!---நிதம்

தேடிடத் தான் நீங்கினியோ!

உனை அகலாத மேனியிதும்--தீய்ந்தும்

அடங்கத் தானோ!தேடுவதும்.
நீ அழுகாத பொற்கனியோ!--ஒருநாள்

அள்ளி அழுதிடத்தான் இக்கதியோ!

கொ.பெ.பி.அய்யா.