சேயாக வேண்டும்.

குழந்தையாவேனோ!

மறுபடி நானுமிங்கே மண்ணில்

பிறந்திட வேண்டும்----தாயின்

மடியில் புரண்டு கிடந்தினிதே

ஒய்ந்திட வேண்டும்

கொஞ்சும் அன்னை கைகளில்நான்

துஞ்சிட வேண்டும்----அவள்

நெஞ்சி லணைந்து உலகினைத்தான்

மறந்திட வேண்டும்.

தமிழை மீண்டுமவள் வாயால்

அமிழ்திட வேண்டும்--பயிலென்

மழலை மொழிகேட்டு இன்பமவள்

பெற்றிட வேண்டும்.

தத்தித் தவழ்ந்தவள் கைநடை

கற்றிட வேண்டும்----முயன்றும்

பொத்தென வீழ்ந்தும்நான் தோற்கவள்

முத்திட வேண்டும்.

நிலவில் சோறு அலவியவள்

ஊட்டிட வேண்டும்----தோளில்

நித்திரை காட்டியென்னை பாடி

தாலாட்ட வேண்டும்.

தொட்டதும் கற்றதும் வெற்றியாம்

கட்டிட வேண்டும்--அவள்

பெற்ற பெருமை தந்தமகன்

வித்திட வேண்டும்..

பொய்யில் பழகும் மனிதரற்றும்

செய்பட வேண்டும்----அன்னை

மெய்யில் பயின்றுமீண்டும் அவள்

கைவிழ வேண்டும்.

எனக்கிந்தப் பூமிதானும் வேறென்ன

ஈதல் வேண்டும்!-இறை

திருவடி சென்றஎன் தாயைமீண்டும்

தந்தருள வேண்டும்.

கொ.பெ.பி.அய்யா.