தீரம் வீரம் தீவிரம்.

தீரமா!தீவிரமா!

பாரம் பரியம் தேடத் தேட

தீரம் ஊறுமே-நெஞ்சில்

தீரம் பெருகி கூடக் கூட

வீரம் ஏறுமே.

தீரம் வீரம் என்ன என்ன 
தீ வீரமோ-உறவை
கூறு போட எண்ண எண்ண
நேரும் கோரமோ!

நீதி எங்கும் பேணப் பேண

நீளும் உலகமே-மனிதன்

சாதி தொங்கி வாழ வாழ 

சாகும் சமூகமே!

பறவைக் கூட்டம் பாரு பாரு

நிறங்கள் பார்க்குமோ-விலங்கும்
உறவுகள் பேசும் மொழியோ மொழியோ!
பிரிந்தும் வாழுமோ!

காட்டில் என்ன சாமி சாமி
கோவில் செய்யுமோ-அங்கும்
வாழ்வில் என்ன பாவம் பாவம்
மீளக் கெஞ்சுமோ!

அறிவு ஒன்று மிஞ்ச மிஞ்ச
முறிந்த மனிதமோ-மரபை
இழந்த மனிதன் நாண நாண
மிருகம் சிரிக்குமோ!

உருண்டை உலகில் எங்கே எங்கே!

இருக்கும் திசைகளோ-பேதம்

துலங்கும் கதைகள் பேசி பேசி

மறந்த பழமையோ!

கொ.பெ.பி.அய்யா.