நெஞ்சு பொறுக்குதில்லையே!

நெஞ்சு பொறுக்குதில்லையே!!

போருக்கும் நீதி யுண்டே

புரிந்தானா ராசபக்சே?

குழந்தை வதம் பாவமென்றும் 

கொடுங் கோலா அறிந்தானா?

பிஞ்சவன் பாலச்சந்திரன்

நெஞ்சைத்தான் சுட்டானோ!.

கொஞ்சு தமிழ் !-

நெஞ்சு பொறுக்கு தில்லையே.

பச்சை மண்ணு பாலகன்தான்

பாவிக்குத்தான் என்னசெய்தான்?

அடைத்து வைத்துச் சாய்த்த பாவி

ஆண்மகனா சொல்லடா?.

அஞ்சு குண்டுகளா பிஞ்சுக்கு!-வஞ்சகா

உன் வம்சமும் விளங்குமாடா?

ஐ.நா உன்னை தண்டிக்காதா?

நெஞ்சு பொறுக்கு தில்லையே.

விலகி அவன் ஓடவில்லை

விதை யாகத் தயாரானான்.

தமிழைத் தாஙகு மிடத்தலேயே

குண்டையுந் தாங்கினான்.

புலிக்குப் பிறந்தவனடா அவன்.-இன்னும்

போராடத்தான் விளைகிறான்

புதைந்து போகாதவன் வீரம்.

நெஞ்சு பொறுக்குதில்லையே!

.

மாதரை அழித்துக் கொன்றான்.

மழலை யரை வேரறுத்தான்.

தள்ளாடிய முதி யோரையும்

தடியாலே அடித்து மாய்த்தான்.

நெறி பிறழ்ந்த சண்டாளனுக்கு-சிவப்புக்

கம்பளமும் விரிக்கலாமா !

வர வேற்புஞ் செய்யலாமா!

நெஞ்சு பொறுக்கு தில்லையே.

கொ.பெ.பி.அய்யா.