தொடுவானம் தூரமில்லை.

தொடுவானம் தூரமில்லை.

நினைத்துப் பாரு நீதான் உலகம்.
எடுத்துச் சூடு நெற்றியில் திலகம்.
சிலிர்த்து நில்லடா உன்னால் முடியும்.
உழைத்து வெல்லடா தன்னால் விடியும்.

அக்கம் பக்கம் அவன் இவனெல்லாம்
திக்கெங்கும் திரியும் திருந்தா ஜென்மம்.
அக்கறை வேண்டாம் அவர்வழி மாற்று.
தக்கது கூடி தனிப்புகழ் ஏற்று.

சக்கரைப் பேச்சு சண்டாளர் கூட்டம்.
அக்கரைப் பச்சை என்றாசை காட்டும்.
தோணா ஊரை சென்றதாய் ஏய்க்கும்.
கானல் நீரை கண்டதாய் மாய்க்கும்.

கண்டார் வாய்வழி கொண்டால் தோசம்.
கொண்டாள் ஆய்மொழி நின்றால் வாசம்.
பெற்றார் நன்றி நற்றாள் போற்றும்
நற்றார் ஒன்றி கற்றால் ஏற்றும்.

சொல்லை சுருக்கி செயலை முடுக்கு.
எல்லை பெருக்கி இயன்றது அடுக்கு.
தோற்றது பாடம் ஏற்றது தேடு!
மாற்றது ஓடம் ஆற்றது கூடு.

ஆகாது ஒன்றும் அறிவுக்கு இல்லை.
சாகாது உண்டும் சரித்திரம் இல்லை.
ஆக்கை கொண்டும் கூர்முனை வாளாம்.
வாழ்க்கை வென்றும் போர்க்களம் தூளாம்.

தொடு வானம் தூரம் இல்லை.
விடி நாளும்  வாரம் இல்லை.
முயன்று தொட்டால் முடியா தில்லை.
பயின்று கற்றால் படியா தில்லை.

கொ.பெ.பி.அய்யா.