கடைசிக் கருணை.

கடைசிக் கருணை!!

காமராசர் வாழ்த்து

(15/7/1903-----2/10/1975)

கடைசிக் கருணை-கொடை

காமராசர் புகழ் வாழ்க!

விடையாம் கர்மராம்-வீரர்

பீஸ்மராம் புகழ் வாழ்க!

சிவகாமி செல்வராம்--என்றும்
புவிவாழ் புகழ் வாழ்க!
தவத்தாய் தமிழவள்-மடி
தவழ்மகன் புகழ் வாழ்க!

ஜூலை  பதினைந்து-உதித்த

நாளின் புகழ் வாழ்க!

ஏழையாம் யோக்கியம்-உலகின்

மூலமாம் புகழ் வாழ்க!

விருதுபட்டி வென்றதும்-உயர்

விருதாம் புகழ் வாழ்க!

குமாரசாமி குலவிளக்கு-சுடர்

அமரப் புகழ் வாழ்க!

தானறியாக் கல்வியின்-தான

தர்மரவர்  புகழ் வாழ்க!

படிக்காத மேதையாம்-நேர்மை

படிப்பித்தார் புகழ் வாழ்க!

பசிவிரட்டி படியளந்த--உழவுப்

பசுமையாம் புகழ் வாழ்க!
தொழிலது புரட்சியும்-எழு
விழுப்பமாம் புகழ் வாழ்க!

நாடுதான் வீடென்று-தன் 

பாடதாம் புகழ் வாழ்க!

அரசியல் துறவியாம்-தூய

அறவாழி புகழ் வாழ்க!

தூற்றினார் போற்றினார்-சமம்

ஆற்றினார் புகழ் வாழ்க!

ஏற்பாரும் தோற்பாரும்--மனம்

சேர்வார் புகழ் வாழ்க!

நாட்டுவளப் பூகோளம்-கண்டு

நட்டவர் புகழ் வாழ்க!
ஈட்டுநலம் எல்லோரும்-கொண்டு
ஏற்றும் புகழ் வாழ்க!

தேடென்று மக்களன்றி-சுயம்

நாடாராம் புகழ் வாழ்க!
ஈடிலாக் காமராசர்-சுகம்
நாடாராம் புகழ் வாழ்க!

கொ.பெ.பி.அய்யா.