காதலுக்குத் துணை.

காதல் துணை!

இருமனங்கள் கூடி ஒருமனமாகி

காதலில் ஒன்றி கலந்துரையாடி

மௌன மொழியில் மயங்கியபோது--

ஊதல் காற்றது உள்நுழைந்தாடி

குறும்புகள் புரிந்து தோற்றதாகி

இருவர் நெருக்கில் இடையே பிதுங்கி--

விலகி வந்து வியந்து கண்டு

குலவை செய்து குதுகலங்கொண்டு

உச்சிமுகந்து வாழ்த்துதோ சூழ்ந்து!

கடலுங்கண்டு  அலைகளை அனுப்பி

கால்கள் கழுவி வரவேற்பு செய்து

மீள்கிறபோது அடிமண்திருடி----

நீராடுங்காதல் தூராது வாழ

தூரிடும் நீருட்ன் தூவி வாழ்த்துதோ

தூய காதலே வாழ்கவே என்றே!

கடலுங்காற்றும் காதல் துணைகள்!! 

உடலை நெருக்கி உள்ளங்கள் இணைக்கும்!

இடைவெளிபோக்கி இன்பம் பயக்கும்!!

கொ.பெ.பி.அய்யா.