தண்ணீர் குடமெடுத்து.....தெம்மாங்ஙகு.

தண்ணிக் குடம் எடுத்து(தெம்மாங்கு)

தண்ணிக் குடம் எடுத்து

தனிவழியே போற புள்ள!

எண்ணி அடி எடுத்து

எண்ணுவதும் என்ன புள்ள?

முன்ன ஒளிச்சு வச்சு

முன் னழகு மறச்சயோ!.

பின் னழகு அள்ளுதடி-பாவி

என்னை அது கொல்லுதடி..-

எண்ணியும் நெனச்ச முகம்

தண்ணி யிலும் தெரிஞ்சிருச்சோ!

உன்பு ருவ மையெடுத்து

என்னுருவம் வரைஞ்சிருச்சோ!
கண்ணு படப் போகுதுண்ணு
கையலம்பி அழிச்சிரிச்சோ
பின்னும் மனசு தானே--எழுதி
உன்னுள்ளே  பதிஞ்சிரிச்சோ!

மச்சான் இருப் பேன்னு

மறச்சு சாக்குச் சொல்லி நீ

தண்ணிக் குடம் இடுக்கி 

தண்ணி யோட சிறுக்கி நீ
தண்ணிக்குப்போறேன்னு
கன்னி நீ வந்தயின்னா
எண்ணிச் சிரிப்பாரடி--அதில்
என்னை இழுப்பாரடி. 

எனக்கும் மீச அரும்பலயோ!
உனக்கும் ஆச புரியலயே !

பின்ன என்ன இழுக்குதடி

என்ன அது காந்தமடி!

தின்னத் தான துடிக்குதடி

சித் தெறும்பு கடிக்குதடி.

என்ன நானும் சொல்வனடி-மனசு

என்னென் னமோ பண்ணுதடி.

கானக் கருங் குயிலே!

மானே அருங் கிளியே!

தேனே தீங் கனியே!

திகட்டாத செங் கரும்பே!

பேசா மப் போனயின்னா

தாங்காது மனசு மீனா!

கூசாதடி  நீயும் வீணா!--முத்தம்

கொடுப்பதாரு நானா நீனா?

அன்னம் போல் நட நடந்து

என்ன நீ  கட கடந்து

சின்னச் சிரிப் புதிர்ந்து

மின்னும் மனம் புரிந்து.

மருகியுன்ன நானும் தேடி

உருகு றேனே மானே வாடி! 

நின்னு ஒன்னு சொல்வாயடி --இல்ல

கொன்னு மண்ணு தள்வாயடி.

கொ.பெ.பி.அய்யா.