வாழ்வுபத்திரம்.

வசதி ரொம்ப உசந்து போச்சு

வாழ்வு பத்திரம் -தம்பி

உசுரு ரொம்ப முக்கியன்டா.

குடும்பம் இருக்குடா.

பிசகிக் கொஞ்சம் தவறினாலே

பேப்பர் செய்திடா

அவசரமா போற வேகம் அவசியந்தானா-உயிர்

அவசியத்தை உணர்ந்து வண்டி ஓட்ட வேண்டாமா?

உன்னை நம்பி உள்ள உயிர்கள் எத்தனை பேரோ!

எண்ணினால் இந்த வேகம்

எண்ணத் தோணுமோ!

அவசரத்தை வேகத்திலே காட்டக் கூடாது-அது

புறப்படுமுன் சீக்கிரத்தின்

அவசியம் வேண்டும்.

பொறுமை எனும் பாது காப்பு

பயணத்தில் வேண்டும்.

அருமை நமது குடும்பம் அது

கவனத்தில் வேண்டும்.

தலைக்கவசம் அணிவதென்ன

தலைக்குப் பாரமா-உயிர்க்கு

தலைதானே பிரதானம்

காக்க வேண்டாமா?

முந்துவதில் கவனம் வேணும்

முன்னே பார்க்கணும்.

கண்ணாடியில் பின்பார்வை

கண்டு முந்தணும்.

புதுசா வரும் வண்டி எல்லாம்

புயல் வேகங்கள்-கவனம்

பிரேக் அடிச்சு உடன் நின்றும்

ஆபத்தாகலாம்.

பயம் இல்லா பயணங்களும்

அபாயங்களாகும்.

விதிமுறைகள் பின்பற்றினால்

விதிபலமாய் வாழலாம்.

கொ. பெ. பிச்சையா.