உழைத்து வாழ்க!

தமிழைப் பிழைக்காதே!

உழைத்து வாழ வேண்டும்---பிறர்

உழைப்பில் வாழ்தல் பாவம்.

பிழைத்துப் பேசுந் தமிழில் --பிற

மொழிக் கலப்பென்ன இலாபம்

தாய்மொழி தவிர்த்தல் பாவம்--பேசி

பிறமொழி இழித்தலும் நோகும்.

தாயை மதிப்பது யோகம்--அதுபோல்

தாய்மொழிக் காப்பதும் தாகம்.

தாய்மொழி கழிப்பது வேசம் --பெற்ற 

தாயை இழிப்பதும் மோசம்

பிறமொழி கலந்து பேசி--தனது

பிறப்பை இழிப்பாள் தாசி.

தூய்மைப் பாசம் தாய்மை--தாய்

வாய்மொழி மணக்கும் மேன்மை,

நோய்மைப் பிறமொழி வாசம்--ஈன்ற

தாய்மை மறக்கும் நாசம்.

அம்மா என்ற சொல்லில்---உயிர்

ஆன்மா உயிர்க்கும் உள்ளில்.

சும்மாப் பிறமொழி மோகம்--வீண்

சுமையாய் சுமக்கும் ரோகம்.

கவிஞர். கொ. பெ. பிச்சையா.