இயற்கைப் பாடம்.

இயற்கை சொல்லும் பாடம்.

ஒட்டிப் பிறந்த சொந்தமோ!

கட்டிப் பிறந்த பந்தமோ!

ஒருங் கிணைத்தது இயற்கையோ!

பிரித்து வைத்தது செயற்கையோ! 

இயல்பில் கொள்ளும் பாசமோ!

இயற்கை சொல்லும் பாடமோ!

பொய்மை மயக்கும் போதுதான்

மெய்மை சொல்லும் அதிசயங்கள்

பாசத்தையும் நினைவூட்டும்.--வரும்

மோசத்தையும் வினைகாட்டும்.

இயற்கை காட்டும் சீற்றங்களை-நமக்கு

எச்சரிக்கை என மதித்தால்

மிச்சமுள்ள காலமெல்லாம்

அச்சமின்றி வாழ்ந்திடலாம்.

இயற்கை இவ்விதம் சிலநேரம்

மனிதம் பேச முனைவதுண்டு.

செயற்கை சேர்த்த சொந்தங்கள்

சிரமத் துணைக்கு பொருந்தாது.

இயற்கை சொல்லும் பாடங்களை

இனியேனும் கற்றுத் தேர்வோமோ

கொ.பெ.பி.அய்யா.