கள்ளிப்பூவிலலம்.......

கள்ளிப் பூவிலும்.......

கள்ளிப் பூவும் தேன் சுரக்கும்.

உள்ளிருந்தும் தான் அழைக்கும்

சொல்லும் வகை மணம் இழுக்கும்

அள்ளி உண்ண அகம் பறக்கும்.

முள்ளிருக்கும் பூக்கள் எல்லாம்`

முடிந்து இனம் அழிவதில்லை.

சொல்வலிக்கும் காதல் தானே

முள்விலக்கி இதழ் விரிக்கும்.

இரவெல்லாம் காத்திருக்கும்

உறவுக்காக விழித்திருக்கும்.

விடிந்ததும் பூத்திருக்கும்.

படர்ந்த பனி உதிர்த்திருக்கும்.

காரணங்கள் இல்லாமல்

காரியங்கள் நிகழ்வதில்லை.

தோரணங்கள் முயலாமல்

தூரமானால் விளக்கமில்லை .

நேரம் உண்டு காலம் உண்டு

நிகழ்வுக்குப் பொருத்தம் உண்டு.

ஆறுவதால் ஆறாது.

அது விளையப் பருவம் உண்டு.

பதறினால் சிதறிவிடும்.

உதறினால் உதிர்ந்துவிடும்.

நினைத்த காதல் நெஞ்சிலிடு 

நிதானமாய் தேடியெடு.

கொ.பெ.பி.அய்யா.

.

பொருள் :

தோரணம் =ஆதாரம்.

.