மனமே நீ என்னை.........!

மனமே நீ என்னை...........!

மனமேநீ என்னை மயக்காதே!-உன்
குணம்நான் அறிவேன் குழப்பாதே!
ஆளும் தலைவன் நானேதான்-மனமே
அடிமைக்கு இல்லை அதிகாரம்.

மனம்போல் பிழைப்பவன் வீழ்கிறான்-கேடு 
மறுக்கத் துணிபவன் வாழ்கிறான்.
ஐம்படைப்  போரே தகர்த்தாலூம் !--மனமே

ஆன்மா நேரே ஜெகத்தாளும்!

நரகமும் சொர்க்கமும் எங்குண்டு?--எண்ணம்
பழகும் விதத்தில் அங்குண்டு.
அருத்தம் பொருத்தம் சமமுண்டு.--மனமே!
தெரிவாய் புரிவாய் சுகமுண்டு.

கொடுக்கலும் வாங்கலும் நேரென்றால்--விட்டுக்
கொடுத்துப் பெறுதல் சமங்கண்டால்  
கூடும் உறவில் தடையோ!-மனமே!

தேடும் சுவர்க்கம்  நிசமே!

சந்தேக நஞ்சும்  பொல்லாதே-நெஞ்சம்
கொண்டாடும் வஞ்சம் கொல்லாதோ!
துன்பம் துயரம் தானன்றோ-மனமே!
சண்டாளம் நீயே நரகமோ!

தவப்படும் நெஞ்சம் நெறிப்படும்-எண்ணம்
அலைபடும் என்றால் தெறிப்படும்.
வசப்படும் சிந்தை அகப்ப்படும்-மனமே!
இசைப்படும் ஒன்றால் தகப்படும்.

துலங்கும் அனுபவம் புத்தியும்-ஆன்மா
விளங்க அறிவது சித்தியும்.
விலங்கு குணமும் விலகிட--மனமே!
விலங்கிடு சினமே நலந்தொட!

கொ.பெ.பி.அய்யா.