என்ன கொண்டு வந்தோம்.

வாடகை உலகம்

.

என்ன கொண்டு வந்தோம் 

என்ன கொண்டு போவோம்.

வந்ததும் போவதும் பிரயாணம்--இங்கு

வாழ்ந்தது எல்லாம் கனவாகும.

எல்லாம் வேண்டி அலைந்தோம்.

எதுதான் நிரந்தரம் கொண்டோம்.

வாழ்ந்த வரையே இலாபம்--அவனால்

வந்தது முடிந்தால் பயணம்.

உயிரும் சொந்தம் இல்லை.

உடலும் நமது இல்லை.

கடனாகப் பெற்றது எல்லாம்--கணக்கு முடியுங் காலஞ் சொல்லும்

உலகை விட்டு ஒருநாள்

உயிரும் பறந்து போகும்.

சொத்தும் பணமும் யாருக்கும--சொந்தம்

எத்தனை நாள்தான் எவருக்கும்.

வாழும் வரைதான் சும்மா

வாடகை போலத்தான் எல்லாம்.

ஆளும் அரசன் ஆனாலும்--உடலில்

ஆவி போனபின் பிணமாம்.

உண்ணவும் உடுத்தவும் போதும்

எண்ணும் ஆசை தீதாம்.

கொடுத்து மகிழ்ந்து வாழும்--உயர்ந்த

குணந்தான் மனிதம் ஆகும்.

கவிஞர். கொ. பெ. பிச்சையா.