அரசியல் வீச்சம்.

அரசியல் வீச்சம்.

பொய்யும் புரட்டும் போக்கிரித்தனமும்
செய்யும் தொழிலே அரசியலோ!
வைய்யும் வசவும் வாக்கிழிக்குணமும்--சீச்சீ
 மைய்ய வீச்சம் பேய் மொழி அசிங்கம்.

நேற்றொரு பேச்சு இன்றது போச்சு
மற்றொரு கூட்டு மாற்றும் பேச்சு
பச்சோந்திக் கூட்டம் பகல்வேச ஆட்டம்--சீச்சீ

எச்சை அரசியல் இதவொரு பிழைப்பா?

மானம் ஈனம் மழுங்கிய ஊனம்
மாறும் கோணம் முகம்பல வேசம்.
கூச்சம் துறந்த வேசியைப் போலும்---சீச்சீ
பேச்சும் மறக்கும் அரசியல் தோசம்.

திருடித் தின்ன பூனைகள் விடுமா?
விரட்டிய  பின்னும் வெக்கப் படுமா?
உருட்டித் தேடும் புரட்டிப் போடும்--சீச்சீ
சுருட்டி ஓடும் அரசியல் பாவம்.

பூச்சால் மயக்கும் பொய்மை அறிவீர்!
பேச்சால் நயக்கும் சீர்மை தெளிவீர்!
ஏச்சால் பிழைக்கும் விரசியல் அழிப்பீர்!--சீச்சீ
கூச்சல் விளைக்கும் அரசியல் ஒழிப்பீர்!

நாட்டுக்கு உழைத்த நல்லோர் மறைந்தார்.
வீட்டுக்கு வளைக்கும் வில்லோர் நிறைந்தார்.
விலை கொடுத்து உரிமை பறிப்பார்--சீச்சீ

கொலை முடித்து அரசும் பெறுவார்.


கொ.பெ.பி.அய்யா.