காமராஜ் குழந்தை பாடல்

கர்மவீரர் காமராசர்(குழந்தைப்பாடல்)

"அ"னா "ஆ"வனா-அது 

அரிச்சுவடிப் பாடம்.

"கு"னா "கா"வனா-இது 

படிச்சவங்க யோகம்.

படிக்கவைத்த காமராசர்--அன்று 

ஏற்றிவைத்த தீபம்.

விடிஞ்சதம்மா விளங்குதம்மா--இன்று

ஏழைக்குத்தான் காலம்.

சுத்தமான மனிதருக்கு--புகழ்

உத்தமராம் பேரு.

மத்தியான சோறு தந்தார்--திகழ்

சத்தியமா சாமி.

நாட்டுக்காக வாழ்ந்தவராம்--அந்த

நல்லவரைத் தேடு!

ஆற்றுத்தண்ணீர் தேக்கியவர்--நம்ம

அய்யா புகழ் பாடு.

களர் நிலம் கழனியாச்சு--ஏழை

உழவர்தொழில் வளமாச்சு

பழகுதமிழ் மொழிப்பேச்சு--சோலை

அழகு அவர் குணமாச்சு.,

படிக்காத மேதை என்றே--அவரை

பழகாதார் இழிப்பார்!

கிடைக்காத கீதை ஒன்றே--இவரை

படைத்தவனும் படிப்பான்.

எதிரியென எவருமில்லை.--கண்டும்

பதறும் நிலை அவருக்கில்லை.

சுதந்திர அடையாளம்--கொண்டும்

மதமிலா மனிதராம்.

சிவகாமி புதல்வராம்--என்றும்

புவிவாழும் புனிதராம்.

விருதுநகர் தந்த புகழ்--ஒன்றும்

விருதுதான் காமராசர்.

கொ.பெ.பி.அய்யா.