சேவல்.....குழந்தைப்பாடல்

சேவல் (குழந்தைப் பாடல்)

கொக்கரக் கொக்கரச் சேவலே
கொண்டை ஆட்டும் சேவலே
கக்கரப் புக்கரப் பாப்பாவை
கண்டு கூவிக் கூப்பிடு.

வண்ண வண்ண இறகுகள்
வளைந்த வாலுச் சேவலே
சின்னச் சின்னப் பாப்பாவை
சிறகடித்துக் கூப்பிடு.

அசைந்து அசைந்து நடக்கிறாய்
அழகு உள்ள சேவலே.
இசைந்து நீயும் பாப்பாவை
பறந்து வந்து கூப்பிடு.

கூரை மேலே ஏறிடு
கூவிக் கூவிப் பாடிடு
சோறு உண்ணப் பாப்பாவை
சொல்லிச் சொல்லிக் கூவிடு.

கொண்டையக் கொண்டைய ஆட்டியே
சண்டைக்கு நீ வாரியோ
சந்தோசமாய் பழகுவோம்.
சகோதராய் விளையாடுவோம்.

காலை தினம் கூவிடு!
கடமை செய்ய ஏவிடு!
எழுப்பி இந்த மனிதரை
இருளை விட்டு அழைத்திடு!


கொ.பெ.பி.அய்யா.


..