தள்ளாடும் பூமி பாவம் !

தள்ளாடும் பூமி பாவம்!

இயற்கை மீறிய பாவம்,

செயற்கை வாரிய சாபம்,

காலம் தவறிய கோபம்,

ஞாலம் மாறிய கோலம்.

தள்ளாடும் பூமி-

என்னாகும் சாமி?

விவசாயி பாவம் வெள்ளத்தால் நாசம்.

அவசியப் படும் போது ஆகாத பாசம்,

அளவுக்கு மிஞ்சியும் உழவுக்கு விஞ்சியும்,

கொட்டினால் கொட்டிக் கொட்டித் தீர்ப்பதும்,

தட்டினால் தட்டிப் பட்டிடத் தீய்வதும்,

பெய்தும் பஞ்சம் பெய்யாமலும் பஞ்சம்;

தர்மம் செய்து தட்டிப் பறிப்பது வஞ்சம்:

இயற்கை ஆடும் கோர விளை யாட்டு.

அந்தந்தப் பருவம் அந்தந்தக் காலம்,

முந்தியும் பிந்தியும் தப்பிடும்

கோலம்,

தடுமாறும் இயற்கை தன்னிலைச் சீற்றம்,

வெந்திட்ட பூமி 

நொந்திட்ட மாற்றம்.

இயற்கை மெஞ்ஞானம் செயற்கை விஞ்ஞானம்.

போட்டிக்குப் போட்டி ஏட்டிக்குப் போட்டியா?

கண்களை மூடியே கவலையில்

இன்னும்-

விண்ணோ மண்ணோ பாவம் என்னதான் பண்ணும்!

கொ.பெ.பிச்சையா.