வாழ்க்கை என்றால்.....

 வாழ்க்கை என்றால்......

வாழ்க்கை என்றால் என்னவென்று 

வாழ்ந்து பாரடா--அதில் 

வந்த துன்பம் எதுவென்றாலும் 

வென்று செல்லடா.

எட்டிப் பார் எத்தனை பேர்  

இறைவன் போலடா--அவர்கள் 

காட்டுகின்ற வழிகள் கோடி

கண்டு தேடடா.

தேடி ஒன்று வேண்டுமென்றால்

ஓடித் தேடடா--எதுவும் 

தேடாமல் கூடும் என்றால் 

தோல்வி ஒன்றேடா.

தனக்கு என்ன முடியுமென 

தானே தேடடா--அதற்கும் 

தகுதிதானா தானேயென 

தன்னில் கூட்டடா.

படித்த தென்ன முடித்த தென்ன 

பயின்ற தென்னடா--செய்த 

பயிற்சி யென்ன முயற்சி யென்ன 

இயல்பு செய்யடா.

விழுந்தாலும் எழுவதற்கே 

அழுவ தெதற்கு--வெற்றி 

தோல்வியில்தான் தொடங்குதடா

துணிந்து வாழடா.

கொ.பெ.பி.அய்யா.