பொன்னூஞ்சல்.

பொன்னூஞ்சல்

தேடிய தங்கம் தெருவில் கிடைத்ததில்

வாடிய நெஞ்சம் விரியும்போல்-ஊடியும்

கோடிய காதல் குமுதம் மலர்ந்தன்ன

கூடியும் பொன்னூஞ்ச லாடும்.

தொலைந்த பொருளும் தெரிந்த நிலையில்
அலைந்த மனமும் அடங்கினாற்போல் -காலை
கலைந்த உறவும் கலவுமாலை சேர்ந்தும்
குலைந்துமே பொன்னூஞ்ச லாடும்.

அடர்ந்த இரவும் விடிந்த பொழுதில்
அடைந்த விடுதலை ஆரவாரம்போல்-கோடித்
தடித்துப் பிரிந்து திரும்பிய நட்பும்
தொடுத்துமே பொன்னூஞ்ச லாடும்.

வீடு துறந்தும் காடு நிறைந்தும்தீர்
தேடுமுனி யோகமும் தோற்பன்போல்-ஈடெதும்
ஈடோதாய் நன்றி இழந்தான் முகர்ந்தும்கண்
ஓடியும் பொன்னூஞ்ச லாடும்.

பாட சாலை படிக்கத்தான் விடுத்தது
மூடிய பட்டிக்குள் முடங்கியபோல்-தேடியும்
வாடிய மழழையும் வாசலில் தாயவளும்
நோடியே பொன்னூஞ்ச லாடும்.

கொ.பெ.பி.அய்யா.