போற இடம் எங்கோ!

மனசு கெட்டுப் போச்சோ-மனுசா
பழசும் மறந்து போச்சோ-நீயும்
போற இடம் எங்கோ-திரும்பி
பாரு தடம் உண்டோ!

நாக ரீக அருத்தம்-அழிஞ்சு
நாசமாச்சோ நீசனே-சமூக
பழக்க வழக்க நெருக்கம்-மறந்தும்
விலகித் தூரம் ஆச்சோ!

சாமியத்தான் மறந்து-அதனால்
சத்தியமும் மறந்து-வாழும்
பூமியத்தான் மறந்து-வெய்யில்

சுட்டெரிக்க நடந்த?

சோறூட்டக் கருவி-வேர்க்க
வேலை யில்ல சொகுசு-ஆனால்
வாயொழுக எச்சில்-புதுசா
நோயுனக்கு உறவு.

விசத்தையே கொட்டுற-நவீன
விவசாயம் பண்ணுற-அந்த
நஞ்சயே திங்கிற-பாவி
நோயத்தான விதைக்கிற.

காலம் மாறிப் போச்சுணு-பழமைக்
கோலத்த மாத்துற-நரகந்
தேடி நீயேதான்-அய்யோ
திசை மாறி ஓடுற

கொ.பெ.அய்யா.