கூலிக்கு மாரடிப்பான்.

எங்கிருந்தோவருவான்.

எங்கு இருந்தோ வந்திடுவான்.

இங்கு தமிழ் நானென்பான்.

சொங்கு மொழி ஏதோபேசி

பங்கம்செய் பாவம் செய்வான்.

அப்பாவி  நானென்பான்--சாமி 

சப்பரம் சாவியெடுப்பான்.

கூலிக்கு மாரடிப்பான்--நீதி

வேலிக்கு சீரழிப்பான்.

எங்கிருந்தோ அலறுவான்.--பட்டு

ஏதேதோ உளறுவான்.

சங்கறுந்த கோழி போல்--தலை

தொங்கி ஊளை கூவுவான்.

வேலையற்ற கோழையவன்--விடி

காலையற்ற தேரையவன்.

நெஞ்சமற்ற வஞ்சனவன்.--நேர்

கொஞ்சமற்ற கஞ்சனவன்.

ஆடும் வரை ஆடுவான்.--அவனே

அகம் ஒடுங்கி வாடுவான்.

கூடும் அவன் பாவங்களே--சிவனே

குழி அடங்கி மூடுவான்..

கொ.பெ.பி.அய்யா.